அ. முதிர்ந்த தண்டுத்துண்டுகள்
வீரியமாக வளரும் 1-2 செ.மீ விட்ட அளவு தண்டுத்துண்டுகளை எடுக்க வேண்டும். முளையிலிருக்கும் இலைகளை நீக்கி தண்டுத்துண்டுகளை 15-50 செ.மீ நீளமானதாக்க வேண்டும். தண்டுத்துண்டுகளின் அடிப்பகுதியை 1000 பி.பி.எம். ஐ.பி.ஏ கலவையில் முக்க வேண்டும். ஆனால் வேர்விடும் சதவீதம் குறைவாகத்தான் இருக்கும்.
ஆ. முதிரா இளம் போத்துகள்:
விடியற்காலையில் செழிப்பான தண்டுத்துண்டுகளை சேகரித்து 10-15  செ.மீ அளவு வெட்டி முளையில் மட்டும் இரண்டு இலைகளை மட்டும் விட்டுவிட்டு மீதி இலைகளை கிள்ளி விட வேண்டும். இதை 2000  பி.பி.எம். ஐ.பி.ஏ.  கலவையில் முக்கி பிற்பாடு நட வேண்டும். இம்முறையில் வேர்கள் 6 - 8  வாரங்களில் நன்கு வளரும்.
இ. இளசான தண்டுத்துண்டுகள் 
காலையில் செழிப்பான தண்டுத்துண்டுகளை எடுத்து முளையிலிருக்கும் பகுதியை 4 – 7  செ.மீ அளவு வெட்டி மண்புழு உர ஊடகத்தில் அல்லது  பருமணல் ஊடகத்தில் நட்டு பனிப்புகை அறையில் வைத்து விட வேண்டும். தண்டுத்துண்டுகள் நான்கு வாரங்களில் வேர் விட்டு விடும். இதை நடவு வயலில் நடுவதற்கு முன் நன்கு கடினப்படுத்த வேண்டும்.